նախընտրելի դարձնելՕգոստոսի 21-ին, ժամը 03.00-ի սահմաններում, Դիլիջան-Վանաձոր ճանապարհի 26-րդ կմ-ին «Օպել-Վեկտրա» մակնիշի ավտոմեքենա է դուրս եկել հանդիպակաց գոտի եւ շրջվել, ինչի հետեւանքով վարորդը եւ ուղեւորը մարմնական վնասվածքներով տեղափոխվել են հիվանդանոց:
Ոստիկանության լրատվության վարչությունից հայտնում են, թե օգոստոսի 21-ին, ժամը 07.00-ին, Երեւանի Մոլդովական եւ Թոթովենցի փողոցների խաչմերուկում իրար են բախվել «ՎԱԶ-2106» եւ «Օպել Ֆրոնտերա» մակնիշի ավտոմեքենաներ:
«Օպել Ֆրոնտերա»-ի վարորդը մարմնական վնասվածքներով բուժօգնության է դիմել հիվանդանոց:
Օգոստոսի 21-ին, ժամը 09.00-ի սահմաններում, Երեւան-Գյումրի ճանապարհի 58-րդ կմ-ին «ՎԱԶ-2121» մակնիշի ավտոմեքենա է շրջվել, ինչի հետեւանքով վարորդը եւ ուղեւորուհին մարմնական վնասվածքներով տեղափոխվել են հիվանդանոց:
Օգոստոսի 21-ին, ժամը 23.55-ի սահմաններում, «Ֆորդ Տրանզիտ» մակնիշի ավտոմեքենան Երեւան-Սեւան ճանապարհի 21-րդ կմ-ին դուրս է եկել հանդիպակաց գոտի եւ բախվել «ԳԱԶել» մակնիշի ավտոմեքենայի: «ԳԱԶել»-ի վարորդը եւ ուղեւորուհին մարմնական վնասվածքներով տեղափոխվել են հիվանդանոց:
Բոլոր դեպքերով կատարվում է քննություն:
