նախընտրելի դարձնելԳյումրիի քաղաքապետարանը հերքել է, թե քաղաքապետարանի շենքից տեխնիկա ու գույք է դուրս բերվում:
Գյումրիի քաղաքապետարանի մամուլի քարտուղարության հաղորդագրության մեջ ասվում է. «Վերջին ժամերին մամուլում եւ կայքերում տարածվող այն տեղեկությունը, թե Գյումրիի քաղաքապետարանից տարվում է տեխնիկա, գորգեր, կահույք , լկտի սուտ է:
«Տանելու» մոլոցքը բնորոշ է բարոյականության այլ նորմեր դավանողներին:
Վստահաբար կարող ենք ասել, որ այդօրինակ բամբասանքները շրջանառության մեջ են դրված մեկ օրվա կյանքի համար հորինված «անունների» կողմից:
Զարմանալի է, որ մամուլը տեղ է տալիս անառողջ մտքեր տարածող «ցեխերի» արտադրանքին եւ չգիտես ինչից դրդված, կեղծ տեղեկատվությունը տարածում կայքերում եւ թերթերում:
Գյումրիի քաղաքապետարանում որեւէ իր անգամ չի տեղաշարժվել, քաղաքապետարանը շարունակում է իր բնականոն աշխատանքը:
Գյումրիի գործող քաղաքապետի թիմը, ինչպես ասում են «պօդ կլյուչ» կառուցած քաղաքը եւ քաղաքապետարանի շենքը փոխանցում է հաջորդներին, նախապատրաստվելով առաջիկայում վերստին կյանքի կոչել Գյումրիին վերաբերող անավարտ թողած ծրագրերը»:
