նախընտրելի դարձնելՀՀ բնապահպանության նախարարության աշխատակազմի բնապահպանական պատական տեսչությունը, ս.թ օգոստոսի 29-ին ՀՀ Տավուշի եւ Լոռիի մարզերում տեսչական ստուգումների ընթացքում հայտնաբերել է արգելված եղանակով իրականացվող որս:
ՀՀ բնապահպանության նախարարության մամուլի ծառայությունից հայտնում են, որ բնապահպանական տեսչական խումբն առգրավել է 147 հատ կենդանի լոր եւ արգելված տեսակի որսագործիքները` ցանցեր, լուսարձակներ:
Կազմվել է համապատասխան արձանագրություններ, հաշվարկվել է բնությանը հասցված վնաս, ինչը կազմել է 294 հազ. դրամ, գործը գտնվում է վարչական վարույթում:
Ապօրինի որս իրականացրած անձիք կհրավիրվեն ՀՀ բնապահպանության նախարարության ԲՊ տեսչություն` վարչական վարույթ իրականացնելու համար:
Օգոստոսի 30-ին կազմակերպվեց կենդանի լորերի բաց թողումը մայր բնություն:
ՀՀ բնապահպանության նախարարության բնապահպանական պետական տեսչությունը մշտական հսկողություն է իրականացնում ՀՀ որսահանդակներում :
ՀՀ բնապահպանության նախարարությունը մեկ անգամ եւս զգուշացնում է. Հայաստանի Հանրապետությունում արգելվում է որսն իրականացնել արգելված որսագործիքներով եւ միջոցներով:
