նախընտրելի դարձնելՕգոստոսի 20-ին նախքան Հունգարիայի` Սաֆարովին Ադրբեջանին հանձնելը 11 օր առաջ Հունգարիայի Հայ ազգային ինքնավարության փոխնախագահ Նիկողոս Հակոբյանը անձնապես տեղեկացրել է ՀՀ արտգործնախարարությանը, սփյուռքի նախարարությանը եւ Ավստրիայի ՀՀ դեսպանությանը սպասվող լուրի մասին եւ խնդրել Հայաստանի Հանրապետությանը անմիջապես քայլեր ձեռնարկելու կանխելու Հունգարիայի վերջնական որոշումը հայտարարելու համար: Այդ մասին գրում է «Չորրորդ ինքնիշխանություն» թերթը։
«Ցանկալի է պարզել, թե ինչն էր պատճաոը, որ 11 օր առաջ իմանալով այդ լուրը, ոչ մի քայլ չձեռնարկվեց եւ ոչ մի աջակցություն ցույց չտրվեց հունգարահայերիս: Շուրջ ութ տարի պայքարելուց հետո Հունգարիայի Հայ ազգային ինքնավարությունը հասկացավ, ոը Ադրբեջանական լորբին այնքան մեծ է Հունգարիայում, որ այդ հարցը կանխելու համար ՀՀ դիվանագիտական միջամտություն է անհրաժեշտ:
Հունգարիայի հայ համայնքը ոչ մի աջակցություն չի սպասում Ավստրիայի ՀՀ դեսպանությունից, մենք ինքներս ինչպես միշտ, այնպես էլ այժմ քայլեր կձեռնարկենք մեր դժգոհությունը հայտնելու համար Հունգարիայի կառավարությանը»,- ասված է Նիկողոս Հակոբյանի հայտարարության մեջ» գրում է «Չորրորդ ինքնիշխանությունը»:
