«Էրեբունի-Երեւան-2794» տոնակատարության օր մայրաքաղաքում տրանսպորտային տեղաշարժի համար լրացուցիչ դժվարություններ չառաջացնելու նպատակով՝  որոշակի փոփոխության է ենթարկվել տոնակատարության օրը փակ փողոցների նախապես հայտարարված ցանկը։

Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե 2012թ. հոկտեմբերի 14-ին, առավոտյան ժամը 8։30-ից ավտոտրանսպորտի համար փակ կլինեն. Մաշտոցի պողոտան, Գր.Լուսավորչի, Զաքյան, Վազգեն Սարգսյան, Իտալական, Բեյրութի, Արգիշտիի, Ամիրյան, Մելիք Ադամյան, Պուշկինի, Թումայնան, Օրբելու փողոցները:

Խորենացու փողոցը` Մաշտոցի պողոտայից մինչեւ Ագաթանգեղոսի փողոց ընկած հատվածը:

Տիգրան Մեծի պողոտան` Հանրապետության հրապարակից մինչեւ Խանջյան փողոց ընկած հատվածը:

Սայաթ Նովա փողոցը` Մաշտոցի պողոտայից մինչեւ Խանջյան փողոց ընկած հատվածը:

Մոսկովյան փողոցը` Բաղրամյան պողոտայից մինչեւ Տերյան փողոց ընկած հատվածը:

Իսահակյան փողոցը` Բաղրամյան պողոտայից մինչեւ Տերյան փողոց ընկած հատվածը:

Նալբանդյան փողոցը` Հանրապետության հրապարակից մինչեւ Մոսկովյան փողոց ընկած հատվածը:

Կորյունի փողոցը` Մաշտոցի պողոտայից մինչեւ Տերյան փողոց ընկած հատվածը:

Ժամը 14:30-ից կբացվեն Արգիշտիի, Գր. Լուսավորչի, Խորհրդարանային փողոցները:

Ժամը 22:30-ից երթեւեկության համար փակ կմնան միայն Մաշտոցի պողոտայից, Գր.Լուսավորչի, Ագաթանգեղոսի, Խանջյան փողոցներից եւ Սայաթ-Նովայի պողոտայից դեպի Հանրապետության հրապարակ տանող բոլոր փողոցները։