Անշարժ գույքի գները երկրի սոցիալ-տնտեսական վիճակի, բնակչության բարեկեցության մակարդակի յուրօրինակ  բարոմետր են:

Հայաստանում, օրինակ,  վերջերս բնակարանի գների կտրուկ աճը որոշ չափով պայմանավորված էր միջին խավի ձեւավորմամբ,  բնակչության եկամուտների աճով: Բացի «միջինից», «հարուստների» խավն էլ ակտիվորեն զբաղվում էր առանձնատների կառուցմամբ, դրա վրա միլիարդավոր դոլարներ ծախսելով:

Մեր նոր հարուստները միաժամանակ թանկարժեք բնակարանների էին ձեռք  բերում էլիտար կենտրոնում` շնորհիվ այնտեղ ծավալված մասշտաբային շինարարության: Բնակարանների շուկայում բումը շարունակվեց մինչեւ  մեր երկիր հասած գլոբալ ճգնաժամը: Այդ «հարվածից» հետո  բնակարանների հիպերուռաճված գները  սկսեցին նվազել:

Գրեթե նույնպիսին էր իրավիճակը բնակարանների միջազգային շուկայում գլոբալ կոլապսից հետո, որի դետոնատորը հենց ԱՄՆ-ում հիփոթեքային շուկայում ճգնաժամն էր:

Համաձայն «Tranio.Ru»ժ-ի վերլուծության` գալիք տարում Եվրոպայի գրեթե բոլոր երկրներում նկատվում է բնակարանների գների անկում: Բացառություն են կազմում Գերմանիան, Լատվիան եւ...Թուրքիան:

Բնակարանենրի գեների անկում է կանխատեսվում այնպիսի երկրներում, ինչպիսիք են Մեծ Բրիտանիան (միջինը 2%), Ֆրանսիան (5%), Իսպանիան (3%) եւ այլն: Ամենաշատ անկումը կանխատեսվում է Բուլղարիայում (10%-ով), Հունաստանում եւ Կիպրոսում (7% -10%): ԱՄՆ-ում չնայած գների սպասվող անկմանը փոթորկից տուժած շրջաններում, գները կարող են աճել:

Բուլղարիայում բնակարանային շուկայում խնդիրները նման են մեր խնդիրներին: Մասնագետների կարծիքով, նախկինում գհները երևք անգամ բարձր էին գնահատվում, իսկ գոլոբալ ճգանաժամից հետո անշարժ գույքի գները նավզեցին 40-50%-ով: Ընդ որում` էժանացման գործընթացը շարունակվում է` տարեկան 10% կանխատեսմամբ: Ուստի ներդրումներն այս ոլորտում տնտեսապես շահավետ չեն համարվում:

Սակայն մեր հայրենակիցների մեծ մասին առաջին հերթին հետաքրքրում են մեր երկրում անշարժ գույքի շուկայում կանխատեսումները:  Բնակարանների գների առումով միտումները հետեւյալն են. մայրաքաղաքում նկատվում է  գների որոշակի անկում դոլարային համարժեքով, ընդ որում ` բավականի կտրուկ էլիտար կենտրոնում: Ծայրամասերում եւ կենտրոնում բնակարանների գների միջեւ տարբերությունն աստիճանբար նվազում է, թեեւ տարբերությունը մնում է բավականին զգալի: Ընդհանուր առմամբ կարելի է արձանագրել, որ  գնորդները տեղաշարժվում են «թանկարժեք» կենտրոնից դեպի «էժան» ծայրամասեր:

Մարզերում բնակարանների գնի դինամիկայի վրա որոշակիորեն ազդել է  միգրացան, որը վերջին տարիներին ավելացել է: Եթե գալիք տարում միգրացիան նույն տեմպով պահպանվի, ապա պետք է սպասել բնակարանների գների անկման  մարզերում:

Ալբերտ Խաչատրյան