Նախընտրելի
Գլենդելում փետրվարի 1 -ին հարյուրավոր հայեր են հավաքվել «Charter Communications» ընկերության շենքի առջեւ` բողոքելով փետրվարի 19 –ից հայկական «Horizon» հեռուստաալիքը փակելու որոշման դեմ, հաղորդում է «Asbarez»-ը: Ակցիան կազմակերպել է «Փրկենք «Horizon հեռուստաալիքը» քաղաքացիական նախաձեռնությունը:
«Charter Communications» ընկությունից «Horizon»-ին հայտնել էին, որ հեռուստաալիքը կզրկվի եթերից, չնայած որ ստորագրել է պայմանագիր 2013թ. համար:
«Փրկենք «Horizon հեռուստաալիքը» քաղաքացիական նախաձեռնությունը ծրագրում է մեծ հանրահավաք անցկացնել փետրվարի 8-ին` «Charter Communications»-ի գլխավոր գրասենյակի մոտ:
Քաղաքացիական խմբի անդամ Դրո Գրիգորյանի խոսքով, ընկերության պատասխանատուներն ասել են, թե «Horizon»-ը չի ստորագրել պայմանագիրը` մոլորեցնելով մարդկանց: Գրիգորյանն ու խմբի այլ անդամներ ընկերության գրասենյակ են այցելել եւ բացատրություն պահանջել համայնքային հեռուստաալիքի հետ կապված իրենց գործողությունների համար: Ընկերության ներկայացուցիչները նրանց չեն կարողացել սպառիչ պատասխան տալ:
Հայ համայնքը կազմում է Գլենդելի եւ Լա Կրասենտե բնակչության 40, Բրբենքի` 35 տոկոսը. այդ տարածքները սպասարկում է «Charter Communications»-ը` հեռարձակելով «Horizon»-ի հաղորդումները:
