նախընտրելի դարձնելՄեկ տարի առաջ «Ալ Կաիդայի» գրոհայինների կողմից Եմենում առեւանգված Շվեյցարիայի քաղաքացուն փետրվարի 27-ին ազատել են: Համապատասխան տեղեկատվությունը տարածել են տեղի լրատվամիջոցները:
Հոդեյդա քաղաքի մասնավոր ինստիտուտներից մեկում անգլերեն դասավանդող շվեյցարուհի Սիլվիա Աբրահաթն առեւանգվել էր 2012թ. մարտի կեսերին` Եմենի համանուն նահանգում, հիշեցնում է «Ռուսաստանի ձայնը»:
Ավելի վաղ հաղորդվել էր, որ առեւանգիչներն ուսուցչուհու ազատման դիմաց պահանջել են 1,2 միլիոն դոլար: Հայտնի չէ՝ վճարվել է արդյոք փրկագինը, թե ոչ։
«Ռոսիյսկայա գազետան» գրում է, որ Եմենում մարդկանց առեւանգումը սովորական երեւույթ է: Տեղական ցեղերի ներկայացուցիչները դրան դիմում են բանտերից իրենց հարազատներին ազատելու համար իշխանություններին պարտադրելու նպատակով կամ էլ տնտեսական բնույթի պահանջներ են ներկայացնում:
