նախընտրելի դարձնելՃապոնիայում այսօր մեկնարկել է անպետք բջջային հեռախոսների, հին լուսանկարչական սարքերի, միկրոալիքային վառարանների եւ այլ կեցաղային տեխնիկայի հավաքման եւ վերամշակման համազգային համակարգ, որոնցից կարելի է տարեկան ստանալ գրեթե միլիարդ դոլարի արժեքավոր եւ հազվագյուտ մետաղներ: Բնակչությունից այդ տեխնիկայի հավաքագրման կազմակերպումը հանձնարարվել է տեղական ինքնակառավարման մարմիններին` կառավարության ֆինանսական աջակցությամբ, հաղորդում է ԻՏԱՌ-ՏԱՍՍ-ը:
Համակարգը վերամշակելու է կենցաղային տեխնիկայի ավելի քան 100 տեսակ: Բացի բջջային հեռախոսներից, հեռուստացույցների հին հեռակառավարման վահանակներից, թվային տեսախցիկներից առաջարկվում է հավաքել նաեւ փոշեկուլներ, տոստերներ եւ այլն: Դրանով զբաղվելու են լիազորագիր ունեցող հատուկ ընկերությունները:
Ըստ փորձագետների` Ճապոնիայում բնակիչները տարեկան ընդհանուր առմամբ 650 հազար տ կենցաղային տեխնիկա են դադարում օգտագործելուց: Վերամշակման ընթացքում դրանից կարելի է ստանալ թանկարժեք, հազվագյուտ եւ տնտեսությանն անհրաժեշտ այլ մետաղներ` գրեթե 900 միլիոն դոլարի:
Խնդիրը միայն այն է, որ տեղական ինքնակառավարման մարմինները նման տեխնիկա հավաքագրելու փորձ, աշխատակիցներ չունեն: Նոր համակարգին մասնակցելու ցանկություն դեռ հայտնել է միայն Ճապոնիայի տեղական ինքնակառավարման մարմինների 34%-ը:
