նախընտրելի դարձնելՀյուսիսային Կորեան մտադիր է վերսկսել Յոնբենի միջուկային կենտրոնի 2007թ. դադարեցված ռեակտորի շահագործումը, հայտնում է Կորեայի կենտրոնական հեռագրային գործակալությունը՝ վկայակոչելով ԿԺԴՀ ատոմային էներգիայի գլխավոր դեպարտամենտի ներկայացուցչի խոսքերը:
Վերջինիս խոսքով՝ Կորեայի աշխատանքային կուսակցության ԿԿ պլենար նիստում ներկայացված ԿԺԴՀ տնտեսական զարգացման ընդլայնման եւ ինքնապահովվող միջուկային արդյունաբերության ստեղծման ծրագիրը երկրում էներգիայի անբավարարության խնդիրների լուծում է ենթադրում: Այս կապակցությամբ գլխավոր դեպարտամենտը որոշել է վերանայել երկրում առկա միջուկային հզորությունների օգտագործման ծրագրերը, գրում է «ՌԻԱ Նովոստին»:
Ծրագիրը կներառի Յոնբենի միջուկային հիմնարկներում աշխատանքի վերսկսում, մասնավորապես՝ ուրանի հարստացման գործարանում եւ գրաֆիտային 5 մեգավատ հզորությամբ դանդաղեցուցիչով միջուկային ռեակտորում:
Աշխատանքը դադարեցվել էր 2007-ի հոկտեմբերին՝ վեցակողմ բանակցությունների ընթացքում:
