նախընտրելի դարձնելԱպրիլի 16-ին, ժամը 01.15-ին, հիվանդանոցից ոստիկանության Մալաթիայի բաժնում հաղորդում է ստացվել, որ «որովայնի առաջնային պատի կտրած-ծակած թափանցող վերք» ախտորոշմամբ բուժօգնության է տեղափոխվել 55-ամյա Հարություն Կ.-ն:
Ոստիկանության լրատվության վարչությունից հայտնում են, թե ըստ բժշկի տեղեկանքի` նա ի վիճակի չի եղել հաղորդում տալու:
Ձեռնարկված օպերատիվ-հետախուզական միջոցառումների շնորհիվ պարզվել է, որ ապրիլի 15-ին, ժամը 20.00-ին, Երեւանի Բաբաջանյան փողոցում գտնվող կրթահամալիրի բացօթյա մարզադաշտի մոտ, վիճաբանության ժամանակ, իր մոտ եղած դեռեւս չպարզված կտրող-ծակող առարկայով Հարություն Կ.-ին հարվածել եւ վնասվածքները պատճառել է 35-ամյա Վարդան Մ.-ն:
Ձեռնարկվում են միջոցառումներ Վարդան Մ.-ին հայտնաբերելու ուղղությամբ:
Կատարվում է նախաքննություն:
