Երեւանի ավագանու ապրիլի 17-ին գումարված արտահերթ նիստում, նախքան օրակարգի հարցերին անցնելը, ավագանու անդամ Աստղիկ Գեւորգյանը Երեւանի ավագանու բոլոր անդամների անունից շնորհավորել է քաղաքապետ Տարոն Մարգարյանին՝ ծննդյան օրվա կապակցությամբ:

Քաղաքապետարանի մամուլի ծառայությունից հայտնում են, որ Երեւանի ավագանին միաձայն կողմ քվեարկությամբ հավանություն է տվել Երեւանի համայնքային սեփականություն համարվող բնակարաններն անհատույց օտարելու մասին, ինչպես նաեւ հողամասերի փոխանակության մասին որոշումների նախագծերին:

Ավագանին հավանություն է տվել նաեւ Հայաստանի վաստակավոր շինարար Բաղդասար Արզումանյանի եւ Հայաստանի վաստակավոր  ճարտարապետ Էդվարդ Արեւշատյանի  հիշատակը հավերժացնող հուշատախտակներ տեղադրելու մասին որոշումների նախագծերին: