նախընտրելի դարձնելՍերբիայի նախագահ Տոմիսլավ Նիկոլիչն առաջին անգամ ներողություն է խնդրել Սրեբրենիցայում 8 հազար մահմեդականների սպանության համար: Սակայն նա հրաժարվել է սպանդը ցեղասպանություն անվանել:
«ԾՆկաչոք աղաչում եմ ձեզ ողջ Սերբիայի անունից ներեք Սրեբրենիցայում կատարված հանցագործությունների համար»,- ասել է Նիկոլիչը: Այդ իրադարձությունները համարվում են ամենասարսափելի ոճրագործությունները Եվրոպայում Երկրորդ աշխարհամարտից հետո:
Անցած տարվա մայիսին Նիկոլիչը հարուցել էր բոսնիացիների դժգոհությունը, հրաժարվելով Սրեբրենիցայի իրադարձությունները ցեղասպանություն որակել, թեեւ այդպիսին ճանաչել էին ՄԱԿ-ի Զինվորական հանցագործությունների գծով տրիբունալը եւ Միջազգային դատարանը:
Սերբիայի նախորդ նախագահ Բորիս Տադիչը սպանդը ցեղասպանություն անվանել էր, նաեւ նրա օրոք Սերբիան միջազգային դատարանին էր հանձնել Ռադովան Կարաջիչին եւ Ռատկո Մլադիչին:
