նախընտրելի դարձնելԱպրիլի 27-ին, ժամը 16.01-ին ահազանգ է ստացվել, որ Սեւան-Երեւան ավտոճանապարհին՝ Չկալովկա գյուղի մոտակայքում, տեղի է ունեցել վթար. անհրաժեշտ է օգնություն:
ԱԻՆ լրատվական ծառայությունից հայտնում են, թե դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում «ԳԱԶել» մակնիշի 31 ՍԼ 706 պետհամարանիշով ավտոմեքենան դուրս է եկել ճանապարհի երթեւեկելի հատվածից եւ շրջվել:
Մինչ հրշեջ-փրկարարների կանչի վայր հասնելը՝ ուղեւոր՝ 1967 թ. ծնված Կ. Ղարիբյանը հոսպիտալացվել է Սեւան քաղաքի բժշկական կենտրոն:
Բժիշկները տուժածի առողջական վիճակը գնահատել են բավարար:
Հրշեջ-փրկարարները դադարեցրել են ավտոմեքենայից գազի արտահոսքը:
