նախընտրելի դարձնելՀոր գերեզմանի մոտ մայիսի 2-ին հրազենային վնասվածքից մահացած, ոստիկանության Եղվարդի բաժնի պետ, ոստիկանության գնդապետ Կորյուն Հարությունյանի որդին բանակում է եւ զորամասում է տեղեկացել հոր հետ կատարվածի մասին, իսկ դուստրն ուսանող է: Այս մասին NEWS.am-ի թղթակցի հետ զրույցում ասացին նրա հարազատները:
Կորյուն Հարությունյանը 50 տարեկան էր, ամուսնացած էր եւ ապրում էր ընտանիքի հետ, իսկ հայրն ու մայրը տարիներ առաջ էին մահացել:
Նրա 17 տարվա գործընկերները դժվարությամբ էին խոսում, նշելով, որ կատարվածն իրենց համար անսպասել էր: Նրանք տեղյակ չէին, թե Կորյուն Հարությունյանը խնդիրներ ունեցել է, թե՝ ոչ, բայց նշում էին, որ նորմալ աշխատող տղա էր:
Ավելի վաղ տեղեկացրել էինք, որ հոր գերեզմանի մոտ, այսօր` մայիսի 2-ին, հայտնաբերվել է ոստիկանության Եղվարդի բաժնի պետ, ոստիկանության գնդապետ Կորյուն Հարությունյանի դին՝ գլխի շրջանում հրազենային վնասվածքով: Կորյուն Հարությունյանը երեկ կեսօրին աշխատանքից դուրս է եկել եւ չի վերադարձել, չի պատասխանել նաեւ հեռախոսազանգերին: Որոշ ժամանակ անց սկսել են նրա որոնողական աշխատանքները: Փաստի առթիվ կատարվում է քննություն: Հանգամանքները պարզվում են:Հայաստանի ԱԻՆ մամուլի ծառայությունից հայտնում են, որ այսօր ժամը 09.32-ին Կորյուն Հարությունյանի վարորդից տեղեկատվություն է ստացվել, որ իր ղեկավարը մայիսի 1-ին, ժամը 14.30-ի սահմաններում «Նիսսան» մակնիշի 050 ՈU 03 համարանիշի ավտոմեքենայով (ծառայողական) դուրս է եկել Եղվարդի ոստիկանության վարչական շենքից եւ նրա գտնվելու վայրի վերաբերյալ ոչ մի տեղեկություն չկա. որոնողական աշխատանքների համար անհրաժեշտ է փրկարարների օգնությունը: Դեպքի վայր է մեկնել հրշեջ-փրկարարական ջոկատի օպերատիվ խումբը:Ոստիկանները Հրազդան քաղաքի գերեզմանատանը կայանած իր ծառայողական ավտոմեքենայում հայտնաբերել են Կորյուն Հարությունյանի դին` գլխի շրջանում հրազենային վնասվածքով:Գործը քննելու է ՀՔԾ-ն:
