Թուրքիայում հակակառավարական բողոքներին սկսել են միանալ նաեւ քաղաքային իշխանությունների ներկայացուցիչները: Այսպես, Անթալիայի քաղաքապետ Մուսթաֆա Աքայդինը, որն իշխող արդարության եւ զարգացման կուսակցության անդամ չէ, կարգադրել է ցուցարարներին ցրելու համար  ոստիկաններին ջուր չտրամադրել:

Էրդողանի քաղաքականությանը չսատարող քաղաքապետը համապատասխան ծառայություններին արգելել է լիցքավորել ոստիկանների ջրցան սարքերը: Ցուցարարներին ցրելուն մասնակցած ոստիկանները դիմել են հրշեջների օգնության: Սակայն վերջիններս աջակցել են քաղաքապետին եւ ջուր չեն հատկացրել: Ոստիկանությունը ստիպված է եղել ցույցը ցրել  արցունքաբեր գազի օգնությամբ, հայտնում է  utro.ru-ն:

Հիշեցնենք, որ Թուրքիայում ժողովրդական հուզումները սկսվել էին Ստամբուլի Թաքսիմ հրապարակը վերակառուցելու վերաբերյալ իշխանությունների վճռից հետո: Բնապահպանական ցույցը վերաճել է Էրդողանի քաղաքականության դեմ բողոքի: Աստիճանաբար բողոքի ցույցերը տարածվել են բոլոր փոքրասիական պետություններում: