նախընտրելի դարձնելՌուսաստանի Խաբարովսկի երկրամասում ընկած Մի-8 ուղղաթիռում բոլոր գտնվողները զոհվել են, հայտնել է ՌԴ ԱԻՆ-ի Հարավարեւելյան տարածաշրջանային վարչության ղեկավարը։ Ըստ նրա՝ հինգ դիակ է հայտնաբերվել (անձնակազմի չորս անդամ եւ մեկ ուղեւոր), հաղորդում է BFM.RU-ն։
Հիշեցնենք, ավելի վաղ հաղորդվել էր, որ Ռուսաստանի ԱԻՆ-ի ավիացիան հայտնաբերել է Մի-8 կորած ուղղաթիռի բեկորները։ Դեպքի վայրում աշխատում են փրկարարները։
Հունիսի 7-ին չէր հաջողվել կապ հաստատել Մի-8 ուղղաթիռի հետ, որը կոմերցիոն թռիչք էր կատարում Տուգուր ավանից դեպի Խաբարովսկի երկրամասի Բրիական ավան: Ըստ նախնական տվյալների` ուղղաթիռում եղել էին անձնակազմի չորս անդամներ եւ երեք տոննա բեռ (պարենամթերք):
