նախընտրելի դարձնելՀայաստանի մշակույթի նախարարությունը, ի գիտություն իրավաբանական անձանց, հայտնում է, որ սկսում է 2014 թ.` պետական աջակցություն «Ոչ պետական մամուլի հրատարակում» ծրագրի ցանկի ձեւավորումը: Պետական աջակցություն տրամադրվում է մամուլի հետեւյալ տեսակներին`
- մշակութային մամուլ
- ազգային փոքրամասնությունների լեզվով լույս տեսնող մամուլ
- մարզային մամուլ
- սպորտային մամուլ
- այլ մամուլ
Մամուլի հրատարակմանը աջակցություն տրամադրվում է, եթե.
- թերթը կամ ամսագիրը, առնվազն վերջին երկու տարում հրատարակվել է պարբերաբար,
- թերթը հրատարակվում է տարին առնվազն 12 համարով, իսկ ամսագիրը՝ 4:
Հայտերը քննարկվում են եւ դրանց վերաբերյալ որոշումը կայացվում է ՀՀ մշակույթի նախարարի 2011 թվականի հոկտեմբերի 19-ի N 791-Ա հրամանով հաստատված «Ոչ պետական մամուլին պետական բյուջեի միջոցների հաշվին հատկացվող սուբսիդիայի տրամադրման» կարգի համաձայն:
Հայտերի ներկայացման կարգը`
Հայտատուն մամուլի հրատարակման պետական աջակցման համար ՀՀ մշակույթի նախարարության ենթակայությամբ գործող համապատասխան ստորաբաժանումում լրացնում է հայտ, որին կցվում է իր հրատարակած մամուլի վերջին երկու համարը եւ տարեկան ծախսերի նախահաշիվը: Հայտերի ներկայացման վերջին ժամկետն է 2013 թ. հուլիսի 10-ը:
ՀՀ մշակույթի նախարարության «Գրքի եւ հրատարակչական գործի կենտրոն» ՊՈԱԿ-ի տվյալներն են` հասցեն՝ Երեւան, Իսահակյան 28, հեռ.` 528670, 528600: Ծանուցման պահանջներին չհամապատասխանող, ինչպես նաեւ ժամկետանց հայտերը չեն քննարկվում:
