նախընտրելի դարձնելԵրեւանի քաղաքապետարանի աջակցությամբ «Նագաշյան մանուկների տուն» երեխաների աջակցության կենտրոնում տեղի է ունեցել «Մենք ենք մեր երկրի ապագան» խորագրով մշակութային միջոցառում եւ ինտելեկտուալ վիկտորինա:
Երեւանի քաղաքապետարանի մամուլի ծառայությունից հայտնում են, որ կենտրոնի սաները երաժշտական եւ պարային կատարումներով ողջունել են հանդիսատեսին ու ինտելեկտուալ հարցերի միջոցով ցուցադրել իրենց գիտելիքները:
Միջոցառման շրջանակում կենտրոնի սաներն ավելի լավ Երեւան ունենալու իրենց առաջարկություններն են ներկայացրել քաղաքապետարանի ներկայացուցիչներին:
Երեւանի քաղաքապետ Տարոն Մարգարյանի անունից քաղաքապետարանի Երեխաների իրավունքների պաշտպանության բաժնի աշխատակիցները հուշանվերներ են հանձնել կենտրոնի սաներին:
