նախընտրելի դարձնելԵրեւանի քաղաքապետ Տարոն Մարգարյանի նախաձեռնությամբ մայրաքաղաքի հանգստի գոտիների եւ անտառպուրակային տարածքների մաքրման եւ պահպանման նպատակով կմեկնարկի «Ավելի մաքուր Երեւան» կարգախոսով ծրագիրը:
Քաղաքապետարանի մամուլի ծառայությունից հայտնում են, որ ողջունելով այդ ուղղությամբ իրականացվող հասարակական նախաձեռնությունները` քաղաքապետն առաջարկել է աշխատանքներում ներգրավել հասարակական եւ երիտասարդական կազմակերպություններին, նաեւ՝ բոլոր ցանկացողներին:
«Մայրաքաղաքում կան մի շարք զբոսայգիներ ու վայրեր, որտեղ երեւանցիները սիրում են իրենց հանգիստ անցկացնել հատկապես ամռանը, ինչն էլ, սակայն, պատճառ է դառնում աղբի կուտակման: Միայն Երեւանի քաղաքապետարանի աշխատանքը բավարար չէ: Մենք պետք է ներգրավենք ու խրախուսենք նաեւ հասարակական կազմակերպություններին` կոչ անելով իրենց մասնակցությունը բերելու այդ նախաձեռնություններին, որպեսզի ունենանք ավելի մաքուր Երեւան: Առաջարկում եմ սկսել հենց Հրազդանի կիրճից: Մենք պատրաստ ենք տրամադրել անհրաժեշտ ամեն ինչ եւ համատեղ ուժերով կյանքի կոչել ծրագիրը»,- ընդգծել է Տարոն Մարգարյանը:
«Ավելի մաքուր Երեւան» ծրագրի կազմակերպման համար Երեւանի քաղաքապետարանը կապահովի անհրաժեշտ բոլոր պարագաները:
