նախընտրելի դարձնելՀունիսի 16-ին, ժամը 07.50-ին, ոստիկանության Երեւան քաղաքի վարչության օպերատիվ կառավարման կենտրոնից Մասիսի բաժնում հաղորդում էր ստացվել, որ իրենց է զանգահարել Նոր Խարբերդ գյուղի մի բնակչուհի եւ հայտնել, որ ոմն Անդոն՝ «Պնդո» մականունով, Նոր Խարբերդ գյուղի 2-րդ փողոցի մոտակայքում հարձակվել է իր վրա, պոկել պարանոցի ոսկյա շղթան եւ ծեծի ենթարկել իրեն:
Ոստիկանության մամուլի ծառայությունից հայտնում են, որ ոստիկանության ծառայողները պարզել են, որ նույն օրը, ժամը 03.00-ի սահմաններում, Նոր Խարբերդ գյուղի 2-րդ փողոցի սկզբնամասում նշված կնոջ հետ վիճաբանել եւ այնուհետեւ ոտքով հարվածներ է հասցրել Այնթափ գյուղի 17-րդ փողոցի բնակիչ, «Պնդո» մականունով ոմն Անդրանիկը, որից հետո վերջինս բացահայտ հափշտակել է կնոջ պարանոցի ոսկյա շղթան եւ դիմել փախուստի` պատճառելով 72.000 դրամի նյութական վնաս:
Տուժողին տրվել է դատաբժշկի ուղեգիր:
Ձեռնարկվում են միջոցառումներ Անդրանիկի անձը պարզելու եւ նրան հայտնաբերելու ուղղությամբ:
Կատարվում է նախաքննություն:
