նախընտրելի դարձնել
Մոսկվայում 1,7 հազար ներգաղթյալի են ձերբակալել, որոնք բնակվում էին ապօրինի կառուցված ավանում:
Մոսկվայի ՆԳՆ-ի մամուլի ծառայությունից հայտնել են, որ իրականացված գործողությունների արդյունքում ոստիկանական բաժանմունքներ են բերման ենթարկվել 1683 արտասահմանյան քաղաքացիներ` նրանց ինքնությունը, ինչպես նաեւ ՌԴ-ի տարածքում գտնվելու օրինականությունը պարզելու համար: Կառուցվող շենքում ներգաղթյալներին տեղավորել է Մոսկվայի շինարարական ընկերություններից մեկը: Ձերբակալվածների շարքում կան 120 ապօրինի ներգաղթյալներ:
Շինության մուտքի մոտ կանգնած են եղել Ուզբեկստանի երեք բնակիչներ` համազգեստով, որոնք ներկայացել են որպես հսկիչներ, սակայն իրականում ընկերության հսկիչներ չեն եղել: Նրանց մոտ չի եղել համապատասխան վկայական, հայտնում է ՆՏՎ-ն:
Վճռվում է ապօրինի միգրացիայի կազմակերպման համար քրեական գործ հարուցելու հարցը:
