Նիժնի Նովգորոդի М-7 մայրուղում  «Գազելի» եւ «Մերսեդես» բեռնատարի բախման հետեւանքով հինգ մարդ զոհվել է, ինը մարդ՝ վնասվել։

Բախումը տեղի է ունեցել Մոսկվա-Ուֆա մայրուղու 529-րդ կիլոմետրում։ Դեպքի վայր են մեկնել շտապօգնության երկու խմբեր, ԱԻՆ-ը եւ ոստիկանությունը։ Նախքան բժիշկների ժամանումը չորս մարդ զոհվել է, հինգերորդը մահացել է  հիվանդանոցի ճանապարհին։

Ոստիկանությունն ու ԱԻՆ-ը պարզում են վթարի մեղավորին։ Նախնական տվյալներով՝ ղազախական համարանիշներով «Մերսեդեսը» հայտնվել է հանդիպակաց գոտում եւ  բախվել «Գազելին», ինչից հետո ուղեւորատար միկրոավտոբուսը ընկել է առուն։

Բոլոր տուժածները միկրոավտոբուսի ուղեւորներ են։ Հայտնի է, որ  «Գազելը» հաշվառված է Մարի Էլ Հանրապետությունում։