նախընտրելի դարձնել
Մարդու իրավունքների պաշտպանի գրասենյակն արձագանքել է Սուբ Սարգիս եկեղեցու մոտ տեղի ունեցած միջադեպին, որտեղ քաշքշուկ էր տեղի ունեցել եւ պատռել էին Վահրամ սարկավագի վերնաշապիկը:
ՄԻՊ-ի հաղորդագրությունում, մասնավորապես, ասվում է.
«Քիչ առաջ Մարդու իրավունքների Պաշտպանի թեժ գիծ ահազանգ է ստացվել, որ Սուրբ Սարգիս եկեղեցու դիմաց տեղի է ունեցել միջադեպ: «Արարատ» երիտասարդաց միության անդամները Վահրամ Բարեշնորհ սարկավագ Կարապետյանի օգնությամբ փորձել են Արարատյան Հայրապետական թեմի առաջնորդարանի դիմաց՝ ի պաշտպանություն Տեր Հակոբ քահանա Խաչատրյանի, ակցիա կազմակերպել, սակայն, խոչընդոտվել է ներկաների՝ խաղաղ հավաք անցկացնելու իրավունքը:
Պաշտպանի աշխատակազմի արագ արձագանքման բաժնի աշխատակիցները շտապ մեկնել են դեպքի վայր: Վահրամ սարկավագը աշխատակիցներին հայտնել է, որ իրենք փորձել են բարձրախոսներ տեղադրել, ինչի արդյունքում Արարատյան թեմի աշխատակազմի ղեկավար Հայկ Թադեւոսյանը վիճաբանության մեջ է մտել իր հետ, քաշքշել եւ պատռել նրա հագուստը:
Վահրամ Բարեշնորհ սարկավագ Կարապետյանի խոսքով, իրենք դիմել են միջադեպից հետո այնտեղ գտնվող ոստիկաններին, սակայն վերջիններիս կողմից միջոցներ չեն ձեռնարկվել:
Այս ամենի կապակցությամբ Վահրամ սարկավագը դիմում է ներկայացրել Պաշտպանին, որը հրատապ կերպով ընդունվել է վարույթ եւ առաջիկա օրերին կլինի Պաշտպանի արձագանքը»:
