Հայաստանի նախագահ Սերժ Սարգսյանն այսօր՝ օգոստոսի 12-ին, շնորհավորական հեռագիր է հղել երաժշտագետ, Հայաստանի Հանրապետության արվեստի վաստակավոր գործիչ Գեւորգ Գյոդակյանին՝ ծննդյան 85-ամյակի առթիվ:

Շնորհավորական հեռագրում ասվում է.

«Հարգելի պարոն Գյոդակյան,

Շնորհավորում եմ Ձեզ ծննդյան 85-րդ տարեդարձի կապակցությամբ:

Մեծ է Ձեր՝ անվանի երաժշտագետի եւ արվեստի վաստակավոր գործչի ավանդը հայ երաժշտության պատմության եւ տեսության ուսումնասիրության գործում:

Մաղթում եմ Ձեզ առողջություն եւ ստեղծագործական եռանդ»: