Guardian-ը Սնոուդենի հատկացրած նյութերը New York Times-ին էլ է տրամադրել

Բրիտանական The Guardian թերթը ԿՀՎ-ի նախկին աշխատակից Էդվարդ Սնոուդենի հատկացրած նյութերը  The  New York Times պարբերականին էլ է տրամադրել։

The New York Times-ի խմբագիր Ջիլ Աբրամսոնը հաստատել է  The Guardian-ի հետ համագործակցությունը։

«Մենք սովորաբար նախքան հրապարակումը նյութիպատրաստման վերաբերյալ մեկնաբանություններ չենք տալիս, սակայն այս անգամ բացառություն կանենք, քանի որ հարցն արդեն հրապարակային է դարձել։ The New York Times-ն իրոք աշխատում է  The Guardian-ից ստացած նյութերի վրա», - նշել է Աբրամսոնը, հայտնում է gazeta.ru-ն։

Այս շաբաթ ավելի վաղ The Guardian-ը գանգատվել էր կառավարության եւ հատուկ ծառայությունների կողմից գործադրվող ճնշումներից։