նախընտրելի դարձնել
Երեւանում, հոկտեմբերի 7-ին կկայանա «Ընտրական գործընթացներում ներգրավված կողմերի դերակատարության գնահատում» երկօրյա համաժողովի բացումը:
Միջոցառումը կազմակերպված է ԵԱՀԿ երեւանյան գրասենյակի կողմից ԱՄՆՄԶԳ/Քաունթերփարթ ինթերնեշնլի hայաստանյան գրասենյակի հետ սերտ համագործակցությամբ եւ անցկացվում է «Աջակցություն Հայաստանում երկու ընտրական փուլերին» ԵԱՀԿ ծրագրի շրջանակներում, որն իրականացվում է ԵՄ ֆինանսավորմամբ: Այն նպատակ ունի հրավիրելու ընտրական գործընթացների հիմնական մասնակիցներին՝ ինչպես հանրային հաստատությունների, այնպես էլ քաղաքացիական հասարակության ներկայացուցիչներին, որոնք ներգրավված են եղել ընտրական փուլերում:
Միջոցառումը հնարավորություն կտա բոլոր հիմնական դերակատարներին քննարկել Հայաստանում 2012/2013 թթ. երկու խոշոր համապետական ընտրությունների ընթացքում փոփոխված Ընտրական օրենսգրքի կիրառումից քաղված դասերը: Այն նաեւ հարթակ կտրամադրի տարբեր շահագրգիռ կողմերին, այդ թվում՝ քաղաքացիական հասարակությանը, ընտրական հանձնաժողովներին, Ազգային ժողովի խմբակցություններին, Ոստիկանությանը, դատավորներին եւ այլոց՝ վերլուծելու ընտրական գործընթացները, փորձը եւ գնահատելու իրենց իսկ դերակատարությունը:
Միջոցառմանը բացման խոսքով հանդես կգան ՀՀ նախագահի աշխատակազմի ղեկավար Վիգեն Սարգսյանը, ԵԱՀԿ երեւանյան գրասենյակի ղեկավար դեսպան Անդրեյ Սորոկինը եւ Հայաստանում Եվրոպական Միության պատվիրակության դեսպան Տրայան Հրիսթեան:
