Նախընտրելի
«Ծխախոտը քո, իմ եւ բոլորի թշնամին է» ակցիայի շրջանակներում Երեւանի փողոցներում արդեն երկու շաբաթ է երիտասարդները վահանակներով շրջում են փողոցներում, մոտենում անցորդներին եւ նրանց բաժանում ծխախոտի վնասակարության մասին պատմող թռուցիկներ:
«Իրազեկում եւ բարեփոխում» ՀԿ-ի կողմից անցկացվող «Ծխախոտը քո, իմ եւ բոլորի թշնամին է» հակածխածոտային ակցիան իրականացվում է Հայաստանի երիտասարդական հիմնադրամի` որպես ՀՀ նախագահի կողմից ընտրված գործընկեր կազմակերպության կողմից հայտարարված դրամաշնորհային մրցույթի շրջանակներում։
Ծրագրի ղեկավար Գայանե Ասրյանը, խոսելով ծրագրի նպատակի մասին, շեշտեց. «Ծրագրի թիրախը միայն ակտիվ ծխողները չեն, մենք նպատակ ունենք ծխախոտի վնասակարության մասին տեղեկատվությունը հասանելի դարձնել նաեւ պասիվ ծխողներին: Հենց այս պատճառով մշակել եւ մատչելի ենք դարձրել մատուցվող տեղեկատվությունը: Ակցիայի դեպքում ընտրվել է տեղեկատվության մատուցման նորարարական եւ արդյունավետ մոտեցում»: Լուսային վահանակները եւ թռուցիկները տեղեկացնում են ինչպես առողջության համար ծխախոտի վնասակարության, այնպես էլ ծխելը ճիշտ թողնելու ցուցումներ:
Նշենք, որ ակցիան իրականացվում է նոյեմբերի 9-ից դեկտեմբերի 8-ը:
