ՄԱԿ-ը բոլոր անդամ երկրներին կոչ է արել էլեկտրոնային հաղորդակցման ընթացքում պաշտպանել անձնական տեղեկատվության իրավունքը: Համապատասխան բանաձեւն ընդունվել է միաձայն` կազմակերպության ԳԱ-ի կողմից: 

Բրազիլիայի եւ Գերմանիայի ներկայացրած բանաձեւը մշակվել էր ԱՄՆ-ի ԱԱԳ-ի շուրջ ծագած սկանդալից անմիջապես հետո:  Ենթադրվում է, որ ԱՄՆ-ի ԱԱԳ-ն ամբողջ աշխարհում  գաղտնալսել է միլիոնավոր հեռախոսազանգեր, այդ թվում նաեւ` պետական առաջնորդներինը: 

ԱՄՆ-ի Դաշնային դատարանը դեկտեմբերի 16-ին վճռել էր, որ ԱԱԳ-ի կիրառած հեռախոսազանգերի զանգվածային գաղտնալսումը հակասում է Սահմանադրությանը:

Ըստ Դաշնային դատավոր Ռիչարդ Լեոնի` գործակալության նման գործունեությունն ապօրինի միջամտություն է քաղաքացիների անձնական կյանքին, հայտնում է «Ինտերֆաքսը»` վկայակոչելով  BBC-ն: