նախընտրելի դարձնելԱրդարադատության նախարարության «Արթիկ» քրեակատարողական հիմնարկի աշխատակիցները, փետրվարի 17-ին, օպերատիվ տվյալներն իրացնելով, ՔԿ հիմնարկի բնակելի տեղամասի խուզարկության առանձնասենյակում, դատապարտյալին այցելության եկած հոր անձնական խուզարկությամբ հայտնաբերվել եւ առգրավվել է պոլիէթիլենային թաղանթով փաթեթավորված մոտ 2,1 գրամ սպիտակ փոշենման զանգված:
***
Փետրվարի 14-ին, ժամը 16:50-ին, ՀՀ ԱՆ «Կոշ» քրեակատարողական հիմնարկի աշխատակիցները, օպերատիվ տվյալներն իրացնելով, դատապարտյալ Ա. Մ.-ի կնոջ` Գ.Վ.-ի կողմից բերված հանձնունքի միջից հայտնաբերել եւ առգրավել են 10 հատ «Բ8» դաջվածքով դեղահաբ:
***
Փետրվարի 11-ին ժամը 16:30-ին, ՀՀ ԱՆ «Նուբարաշեն» քրեակատարողական հիմնարկի կալանավոր Մ. Ս.-ին այցելած քաղաքացի Ս. Վ.-ի կողմից բերված հանձնուքի միջից հայտնաբերվել եւ առգրավվել է 2,7 գրամ կանաչ գույնի, սուր հոտով չորացված բուսական զանգված:
***
Նույն օրը, ժամը 17:30-ի սահմաններում, ՀՀ ԱՆ «Նուբարաշեն» քրեակատարողական հիմնարկի կալանավոր Ա. Լ.-ին այցելած Ս. Բ.-ի անձնական խուզարկությամբ, ձախ ոտքի պրոթեզին հագցված կրկնագուլպայի միջից հայտնաբերվել եւ առգրավվել է մեկ հատ մեկանգամյա օգտագործման ներարկիչ, 3 գրամ ընդհանուր կշռով 9 հատ դեղահաբ եւ 0,2 միլիգրամ թափանցիկ հեղուկ` «Տրամադոլ» գրառմամբ: Հայտնաբերված թմրամիջոցներն ուղարկվել են փորձաքննության: Թմրամիջոցների ապօրինի շրջանառության վերոնշյալ բոլոր դեպքերով նախապատրաստված նյութերն ուղարկվել են ոստիկանության համապատասխան բաժիններ:
