նախընտրելի դարձնել
Բրազիլիայի առնվազն 14 նահանգներում հազարավոր ոստիկանների մեկօրյա գործադուլ են սկսել՝ աշխատավարձերը մինչեւ 80% բարձրացնելու պահանջով: Գործադուլը կվերաբերի նաեւ Սան Պաուլուին եւ Ռիո դը Ժանեյրոյին, որտեղ կկայանան ֆուտբոլի աշխարհի առաջնության բացման եւ փակման հանդիպումները:
Իշխանությունները նշում են, որ գործադուլին մասնակցում է միայն քաղաքացիական ոստիկանությունը, որը զբաղվում է քրեական գործերի հետաքննությամբ: Ռազմական ոստիկանությունը, որը հսկում է փողոցները, եւ սահմանները վերահսկող դաշնային ոստիկանությունը հայտնում են, որ ոչ մի բան չեն նախաձեռնել, հայտնում է BBC-ն:
Բրազիլիայում բողոքի ցույցերի հուժկու ալիքը բռնկվել էր նախորդ տարվա հունիսից: Բնակիչներին վրդովվեցրել են պետբյուջեից Կոնֆեդերացիայի գավաթի եւ ֆուտբոլի աշխարհի առաջնության անցկացման համար կատարվող հսկայական ծախսերը:
