նախընտրելի դարձնել
Կիեւում կայացել է ժողովրդական պատգամավոր, Ուկրաինայի հայերի միության նախագահ Վիլեն Շատվորյանի հանդիպումը ԵԱՀԿ դիտորդական առաքելության ներկայացուցիչների հետ: Հանդիպմանը մասնակցել են ԵԱՀԿ դիտորդական առաքելության անդամներ Խոսե Մարտինեսը, Կատարինա Վենցելը եւ Աննա Շեւչենկոն, հայտնում է AnalitikaUA.net-ը:
Հանդիպմանը հատուկ ուշադրություն են դարձրել հասարակա-քաղաքական ներկա իրավիճակին, քննարկվել է հարցերի լայն շրջանակ՝ հայկական սփյուռքի, ազգային փոքրամասնությունների եւ մարդու իրավունքների թեմայով:
Վիլեն Շատվորյանը նշել է, որ Ուկրաինայի հայերը ինտեգրման բարձր մակարդակի շնորհիվ ակտիվ մասնակցում են երկրի հասարակական կյանքին, ինչպես նաեւ ներգրավված են քաղաքական եւ պետական գրեթե բոլոր ոլորտներում:
Նա նաեւ հանգամանորեն ներկայացրել է Ուկրաինայի հայերի միության գործունեությունը:
Հիշեցնենք, 2014թ. մարտի 21-ին ԵԱՀԿ մշտական խորհուրդը հավանություն էր տվել Ուկրաինա ԵԱՀԿ դիտորդական առաքելություն ուղարկելուն:
