Իշխող հանրապետական կուսակցության համագումարը հաստատել է իր օրակարգը: Այսօր` մայիսի 24-ին, Հայաստանի Հանրապետության օրհներգի եւ «Հայր մերի» կատարմամբ մեկնարկել է իշխող կուսակցության 15-րդ համագումարը: Այն քաղաքական ուժի առաջնորդ, Հայաստանի նախագահ Սերժ Սարգսյանն է գլխավորում:

Համագումարի պատվիրակներն արդեն հաշվիչ հանձնաժողով են ձեւավորել եւ քարտուղարություն ընտրել: Համագումարը պետք է կուսակցության նոր ղեկավար ընտրի: NEWS.am-ի թղթակցի հաղորդմամբ, օրակարգում է նաեւ ՀՀԿ առաջնորդ, երկրի նախագահ Սերժ Սարգսյանի հաշվետու զեկույցը:

Բացի այդ, կուսակցության վերահսկիչ հանձնաժողովի զեկույցն է ներկայացվելու: Համագումարի ընթացքում վերջինիս եւ գործադիր մարմնի նոր անդամները պետք է ընտրվեն:

Ինչպես միջոցառման մեկնարկից առաջ լրագրողներին ԱԺ փոխնախագահ, հանրապետական կուսակցության գործադիր մարմնի անդամ Էդուարդ Շարմազանովն է հայտնել, համագումարին շուրջ 1800 պատվիրակներ են մասնակցում: Ոչ Հայաստանի, եւ ոչ էլ արտասահմանից հյուրեր չկան, քանի որ խոսքը ոչ թե նախընտրական համագումարի մասին է, այլ` հաշվետու, մեկնաբանել է Շարմազանովը:

Խոսելով կուսակցության ղեկավար մարմինների կազմում ակնկալվող փոփոխությունների մասին, խորհրդարանի փոխնախագահը նշել է, որ, մասնավորապես, գործադիր մարմնի շարքերը կարող է նախկին վարչապետ Տիգրան Սարգսյանը լքել:

Նշենք, որ հանրապետական կուսակցության նախորդ համագումարը 2012թ. դեկտեմբեր ամսին է կայացել: Հենց այդ ժամանակ էր, որ կուսակցության առաջնորդ Սերժ Սարգսյանի թեկնածությունը, երկրորդ պաշտոնավարմանն ընդառաջ, երկրի նախագահի պաշտոնին առաջադրվեց:

2012թ. խորհրդարանական ընտրություններին հանրապետական կուսակցությունը, երկրի օրենսդրական մարմնի 131 տեղերից 70-ի հավատարմությունն ապահովելով, ձայների բացարձակ մեծամասնություն հավաքեց: