Եգիպտոսում սկսվել են նախագահական երկօրյա ընտրությունները: Նախագահի աթոռի համար պայքարում են երկու թեկնածու` պաշտպանության նախկին նախարար  Աբդել ֆաթահ աս-Սիսին եւ սոցիալիստ Համդին Սաբահին:

Ընտրատեղամասերը բացվել են մայիսի 26-ին,  բնակչությունը երկու օր երկրի նոր նախագահ է ընտրելու: Քվեարկությունը կտեւի 09:00 –ից մինչեւ 21:00-ն:

2012 թ. աս-Սիսին արդեն  մասնակցել էր նախագահական ընտրություններին, սակայն պարտվել էր:

Եգիպտոսի 80 միլիոն բնակչությունից ընտրելու իրավունք ունի 54 միլիոն մարդ: ընտրություններում դիտորդական առաքելություն են իրականացնելու 16 հազար դատավորներ, փոխանցում է ԻՏԱՌ-ՏԱՍՍ-ը: 

Բազմաթիվ ընտրատեղամասերում հերթեր են գոյացել` բացվելուց արդեն կես ժամ անց: Միաժամանակ,  երկրում արգելված «Մահմեդական եղբայրներ» կազմակերպությունն իր կողմնակիցներին կոչ է  արել  բոյկոտել ընտրությունները եւ հնարավորության դեպքում այդ երկու օրերին դուրս չգալ տներից: