ՌԴ Մոսկվայի ՔԿ Գլխավոր քննչական վարչությունը մինչեւ 2014թ. օգոստոսի 13-ը երկարաձգել է  «օրենքով գող» Արտեմ Առաքելյանի (Արտեմ Լիպեցկի) եւ «հեղինակություն» Դենիս Պանինի գործի հետաքննության ժամկետը, ովքեր սերտ կապեր ունեին  Ասլան Ուսոյանի (Դեդ Հասան) հետ: Պանինը մեղադրվում է գանգստեր Ալեքսանդր Աբասովին առեւանգելու, Առաքելյանը՝ Մերձմոսկվայում նրա  սպանության համար:

Ներկայումս հսկողության տակ երեք մարդ կա՝ Պանինը, Առաքելյանը եւ նրա աջ ձեռք Աղաբաբյանը: Պանինին մեղադրանքներ են ներկայացվել ՌԴ ՔՕ 126 հոդվածով (մարդու առեւանգում), Առաքելյանին եւ Աղաբաբյանին՝   105 հոդվածով (սպանություն):

Ալեքսանդր Աբասովի (Սաշա Աբաս) դին հայտնաբերվել էր  2012թ. հունվարի 9-ին՝ ջրատար խողովակում: Փորձաքննությունը ցույց էր տվել, որ նա զոհվել է գլխի հրազենային հինգ կրակոցներից:  Ըստ իրավապահների՝ 2011-ին Աբասովը փորձել էր խանգարել  Արտեմ Առաքելյանի «թագադրմանը»: Վերջինս «գող»  պետք է դառնար Դեդ Հասանի որոշմամբ: Արդյունքում Հասանի մտերիմ Պանինը Աբասովին հանդիպման էր հրավիրել, որի ավարտին վերջինս սպանվել էր: