նախընտրելի դարձնել
ԱՄՆ թռչող ուղեւորները պետք է միացնեն իրենց բջջային հեռախոսները, նոութբուքերը եւ էլեկտրոնային այլ սարքերը` անվտանգության նոր նկատառումներից ելնելով:
ԱՄՆ-ի տրանսպորտ ի անվտանգության վարչության կարճ հաղորդագրությունում ասվում է, որ անջատված սարքերը թույլ չեն տա օդանավ մտցնել, իսկ դրանց տերերին կարող են հավելյալ ստուգման ենթարկել:
Հաղորդագրությունում հավելյալ մանրամասներ չեն նշվում: Չի նշվում նաեւ, թե որ օդանավակայաններում են կիրառվելու այս միջոցները, փոխանցում է «Ամերիկայի ձայնը»:
Անցյալ շաբաթ ազգային անվտանգության նախարար Ջեյ Ջոնսոնը հանձնարարել է անվտանգության նոր միջոցներ կիրառել օդանավակայաններում, որտեղից ուղղակի չվերթներ են իրականացվում ԱՄՆ, սակայն այդ միջոցների բնույթի մասին այն ժամանակ չէր նշվել:
Նորամուծությունը ի հայտ է եկել այն ժամանակ, երբ Եվրոպայից եւ Մերձավոր Արեւելքից ԱՄՆ մեկնող ուղեւորները շարունակում են մանրազնին ստուգման ենթարկվել:
Վերլուծաբանները այս միջոցները պարզաբանում են հետախուզության տվյալներով, ըստ որոնց` «Ալ Կաիդայի» հետ կապված գրոհայինները պայթուցիկների նոր տեսակներ են ստեղծում, որոնք չեն հայտնաբերվի ուղեւորներին եւ նրանց բեռներն ստուգելիս:
