նախընտրելի դարձնել
ԲՐԻԿՍ-ի (Բրազիլիա, Ռուսաստան, Հնդկաստան, Չինաստան եւ ՀԱՀ) երկրների առաջնորդները Բրազիլիայում հուլիսի 15-16-ին կայանալիք գագաթաժողովում պայմանական արժութային պահուստների դրամագլուխ ստեղծելու մասին համաձայնագիր կստորագրեն, լրագրողներին հայտնել է ՌԴ ֆինանսների նախարար Անտոն Սիլուանովը:
«Կստեղծվի պայմանական արժութային պահուստների դրամագլուխ: Սա նշանակում է, որ կենտրոնական բանկերը իրենց միջազգային պահուստներում պահպանում են միջոցները, որոնք դրամագլխում նշված են որպես իրենց մասնաբաժին: Մինչեւ դրանց ակտիվացումը, դրամագլխին մասնակցությունը պայմանական է», - նրա խոսքերն է փոխանցում «Ինտերֆաքսը»:
Ենթադրվում է, որ դրամագլխի ծավալը կկազմի 100 մլրդ դոլար, որոնցից 41 միլիարդը Չինաստանի բաժինն է, 18-ական մլրդ կկազմեն Հնդկաստանի, Բրազիլիայի եւ Ռուսաստանի մասնաբաժինները, 5 մլրդ՝ ՀԱՀ-ի մասնաբաժինը:
Նաեւ սահմանվում է, որ երկիրը անհրաժեշտության դեպքում կարող է որոշակի միջոցներ ստանալ դրամագլխից, որը կհաշվարկվի ներդրած գումարի որոշակի գործակցով:
«Չինաստանի համար այն 0,5 է, այսինքն՝ Չինաստանն անհրաժեշտության դեպքում կարող է ստանալ իր մասնաբաժնի կեսը, ՀԱՀ-ինը 2 է, այսինքն՝ նրանք քիչ ներդրում եւ փողի մեծ պահանջարկ ունեն, մնացածի համար գործակիցը 1 է», - մեկնաբանել է նախարարը:
