նախընտրելի դարձնել
Ամերիկյան Հարավային Փասադենա քաղաքի (Քալիֆորնիա նահանգ) ոստիկանները ձերբակալել են իրենց համադասարանցիների եւ դպրոցի մի քանի աշխատակիցների զանգվածային սպանության ծրագրման մեջ կասկածվող երկու անչափահասների, հաղորդում է «Ռեյթեր» գործակալությունը՝ վկայակոչելով ոստիկանության հայտարարությանը:
Ծրագրվող հանցագործության մասին ոստիկաններին հաղորդել է Հարավային Փասադենայի դպրոցի աշխատակազմը:
«Դպրոցի աշխատակիցներին հաջողվել էր հասկանալ աշակերտների կասկածելի վարքագիծը: Այդ հաղորդագրությունը մեզ հնարավորություն չտվեց թույլ տալ սարսափելի ողբերգություն», հաղորդել է տեղական ոստիկանության սերժանտ Բրայան Սոլինսկին:
Անչափահասները ձերբակալվել են իրենց բնակարանների խուզարկության ժամանակ, որտեղ եւ հայտնաբերվել են ապացույցներ:
«Ոստիկաններին հաջողվել է գտնել բավարար ապացույցներ, որի հիման վրա ավագ դպրոցի երկու աշակերտներ ձերբակալվել են», - ասվում է ոստիկանության հայտարարության մեջ:
Երիտասարդներից մեկը ոստիկաններին կամավոր է հանձնվել, իսկ երկրորդը դիմադրություն է ցույց տվել ձերբակալության ժամանակ:
Ինչպես հաղորդում է ոստիկանությունը, անչափահասները ծրագրել են սպանել դպրոցի երեք աշխատակիցներին, եւ «եւ որքան հնարավոր է շատ աշակերտների»:
Գործակալության տվյալներով՝ ավագ դպրոցում, ընդհանուր առմամբ, 1,5 հազար աշակերտ է սովորում, հաղորդում է «ՌԻԱ Նովոստին»:
