նախընտրելի դարձնել
Ամերիկյան Միսուրի նահանգի Ֆերգյուսոն քաղաքում զանգվածային անկարգությունների ժամանակ 31 մարդ է ձերբակալվել, հաղորդում է Gazeta.ru-ն՝ վկայակոչելով CNN-ը:
Օգոստոսի 19-ի գիշերը ոստիկանությունը ստիպված է եղել արցունքաբեր գազ եւ ծխային նռնակներ կիրառել ցուցարարներին ցրելու համար: Մարդիկ հրաժարվել են ազատել գլխավոր ճանապարհը, նրանք ոստիկանների վրա շշեր են նետել, հաղորդում է BBC-ի ռուսական ծառայությունը:
Ավելի վաղ, ոստիկանների գործողություններից տուժել են քաղաքի իրադարձությունները լուսաբանող լրագրողները:
Ֆերգյուսոնում ոստիկանի կողմից սեւամորթ անչափահասի սպանությունից հետո չեն դադարում զանգվածային անկարգությունները:
Բախումները սկսել են այն բանից հետո, որբ օգոստոսի 18-ին, Միսուրիի նահանգապետ Ջեյ Նիքսոնը չեղարկել է Ֆերգյուսոնի պարեկային ժամը եւ հայատարարել ԱՄՆ Ազգային գվարդիայի ստորաբաժանումների տեղակայման մասին:
Բարաք Օբաման, իր հերթին, խոստացել է վերահսկել զինվորականների գործողությունները, որպեսզի նրանց միջամտությունը ավելի չխորացնի քաղաքի իրադրությունը:
