ՆախընտրելիС խումբ, 2-րդ տուր
18 հունիսի, Յոհաննեսբուրգ, Էլիս Պարկ ստադիոն
Մրցավար` Կոման Կուլիբալի (Մալի)
Բիրշա, 14 (1:0), Լյուբիյանկիչ, 41 (2:0), Դոնովան, 48 (2:1), Բրեդլի, 82 (2:2)
- Աշխարհի 2010թ. առաջնության խաղերի օրացույցը
Սլովենիան քիչ էր մնում ժամանակից շուտ հայտնվեր աշխարհի առաջնության 1/8-րդ եզրափակիչում: Ով կարող էր նման բան կանխատեսել: Մի խմբում, որտեղ հանդես են գալիս Անգլիան ու ԱՄՆ-ը փլեյ-օֆֆի ուղեգրի գլխավոր հավակնորդ է դառնում Սլովենիայի համեստագույն հավաքականը: Ընդամենը ութ րոպե չբավականցրեց:
Բոլոր իմաստներով անսովոր առաջնությունը շարունակվում է: Այս անգամ ամեն ինչ այնպես չէ. եւ առաջին եզրափակիչը Աֆրիկայում, եւ ձմեռային եղանակը, եւ վուվուզելները, եւ ամենակարեւորը` գրեթե յուրաքաչյուր հանդիպումն անակնկալով է ավարտվում:
ԱՄՆ-ի հետ խաղի արդեն առաջին խաղակեսում Սլովենիայի թիմը երկու անգամ գրավեց Թիմ Հովարդի դարպասը: 14-րդ րոպեին աչքի ընկավ Վալտեր Բիրշան, իսկ խաղակեսի ավարտին Հովարդից ուժեղ էր Զլատան Լյուբիյանկիչը:
Երկրորդ խաղակեսի ամենասկզբում ամերիկացիները կրճատեցին հաշվի տարբերությունը: Սուր անկյունից, հուժկու անսպասելի հարվածով Դոնովանը ոչ մի շնաս չթողեց մրցակցի դարպասապահին:
82-րդ րոպեին գոլային փոխանցում կատարեց Ալթիդորը եւ Բրեդլի հավասարեցրեց հաշիվը:
C խումբ Խ Հ Ո Պ Գ Մ
Սլովենիա 2 1 1 0 3-2 4
ԱՄՆ 2 0 2 0 3-3 2
Անգլիա 1 0 1 0 1-1 1
Ալժիր 1 0 0 1 0-1 0
