ԵԱՀԿ գործող նախագահի անձնական ներկայացուցիչ Անջեյ Կասպրշիկը կոչ է արել չքաղաքականացնել գերիների հարցը: Ի պատասխան ԱՊԱ-ի՝ «15-ամյա ադրբեջանցուն գերեվարելու» մասին հարցին՝ Կասպրշիկը նշել է, որ ժամանակ առ ժամանակ տեղի են ունենում սահմանը ոչ կանխամտածված հատելու դեպքեր եւ շփման գծին մոտ բնակվող եւ աշխատող անձանց ձերբակալություններ:

Անջեյ Կասպրշիկը նշել է, որ սատարում է Կարմիր խաչի՝ պատանդների հետ անհետաձգելի կապ հաստատելու եւ նրանց վերադարձնելու ջանքերը: Ըստ նրա՝ ինքը դրա կարեւորությունն ընդգծել է նաեւ համապատասխան կառույցների հետ հանդիպմանը: Դիվանագետը հավելել է, որ սա հումանիտար հարց է եւ չպետք է քաղաքականացվի:

Հիշեցնենք, ԼՂՀ ռազմագերիների, պատանդների եւ անհայտ կորածների հարցերով պետական հանձնաժողովը սեպտեմբերի 9-ին հայտարարություն էր տարածել, որում  Ադրբեջանի քաղաքացի, 1999թ. ծնված անչափահաս Մուզաֆարզադե Ջավիդ Սամիրօղլուին  հայրենիք վերադարձնելու պատրաստակամություն էր հայտնել: