նախընտրելի դարձնել
Հնդկաստանի արեւելյան եւ հյուսիսարեւելյան Ասամ եւ Մեղալայա նահանգներում տեղատարափ անձրեւների հետեւանքով առաջացած ջրհեղեղների զոհ է դարձել 40-ից ավելի մարդ, հայտնում է NDTV հեռուստաալիքը:
Աղետի գոտում է հայտնվել հարյուրից ավելի մարդ: Փրկարարական գործողություններին մասնակցում են երկրի ՌՕՈՒ-ի ուղղաթիռները, որոնք հումանիտար օգնություն են հասցնում եւ բնակիչներին տեղափոխում անվտանգ շրջաններ:
Հյուսիսային Ջամու եւ Քաշմիր նահանգներում, որտեղ սեպտեմբերի սկզբին ջրհեղեղները խլել էին 200 մարդու կյանք, նույնպես շարունակվում են փրկարարական աշխատանքները: Այնտեղ ջրի մակարդակը սկսել է նվազել:
Հուլիսից մինչեւ սեպտեմբեր Հնդկաստանի տարածքի մեծ մասում անձրեւների տարեշրջանն է, որոնք ամեն տարի դառնում են ջրհեղեղների եւ սողանքների պատճառ: 2013 թ. հյուսիսային Ութարաքհանդ նահանգի ջրհեղեղը խլել էր շուրջ 5 հազար մարդու կյանք:
