նախընտրելի դարձնելՍեպտեմբերի 21-ին Չինաստանի Սինցզյան-Ույգուրի Լունթայ շրջանում տեղի ունեցած պայթյունների հետեւանքով զոհերի թիվը հասել է 50 մարդու, գրում է South China Morning Post-ը:
Նշվում է, որ զոհերի թվում կարող է լինել 40 մահապարտ: Հաջողվել է ողջ բռնել միայն երկու կասկածյալի, փոխանցում է Gazeta.ru-ն:
Ավելի վաղ հաղորդվել էր, որ Չինաստանում ահաբեկչությունների հետեւանքով զոհվել է երկու մարդ, շատերը` վիրավորվել:
Պայթյունները հրահրել էին ազգային հուզումներ տարածաշրջանում: Միայն վերջին կես տարում իշխանության համար պայքարող մահմեդական ույգուրների ահաբեկչական խմբավորումները կյանքից զրկել են Սինցզյան-Ույգուրի 300 բնակչի:
