F խմբում այնպիսի դրություն է, որ երրորդ տուրում հաղթանակ տարած թիմը դուրս կգա 1/8-րդ եզրափակիչ, միայն Սլովակիային անհրաժեշտ կլինի նաեւ գնդակների առավել դրական տարբերություն:

Աշխարհի չեմպիոն իտալացիները երկու խաղում վաստակել են ընդամենը երկու միավոր` ոչ ոքի խաղալով Նոր Զելանդիայի եւ Պարագվայի հետ: Սլովակիան առաջին երկու խաղերում միայն երեք հարված է կատարել մրցակիցների դարպասին եւ 0:2 հաշվով պարտվել է Պարագվային, Ավստրալիայի հետ խաղում էլ հաղթանակը բաց թողեց ավելացված րոպեներին` 1:1:

1/8-րդ եզրափակիչ դուրս գալու համար իտալացիներին անհրաժեշտ է հաղթել Սլովակիային: Այդ դեպքում նրանց չի հետաքրքրի Նոր Զելանդիա – Պարագվայ հանդիպման արդյունքը: Իսկ, եթե Պարագվայը հաղթի Նոր Զելանդիային, ապա իտալացիներին կբավարարի նաեւ ոչ ոքին: Թեեւ երկու հանդիպումներում ոչ ոքի գրանցվելու դեպքում էլ իտալացիները, եթե գնդակների ավելի բարենպաստ տարբերություն ունենան, քան Նոր Զելանդիան, ապա կգրավեն երկրորդ տեղը: Տարբերակները շատ են: Ամեն դեպքում, Իտալիան պարտվելու իրավունք այսօր չունի:

Բուքմեքերների կանխատեսումը. Սլովակիայի հաղթանակ` 6.60, ոչ ոքի` 3.95, Իտալիայի հաղթանակ` 1.48:

F խումբ Խ Հ
 Ո
 Պ
 Գ
 Մ
Պարագվայ 2 1 1
 0 3-1 4
Իտալիա 2
 0 2
 0 2-2 2

Նոր Զելանդիա 

 2
 0 2
 0 2-2 2
Սլովակիա
2
 0 1
 1 1-3 1