նախընտրելի դարձնելՄիջազգային տնտեսական ինտեգրացիայի եւ բարեփոխումների նոր նախարարությունը էկոնոմիկայի նախարարությանը չի զրկում իր գործառույթներից: Այս մասին նոյեմբերի 11-ին լրագրողներին հայտնել է ՀՀ էկոնոմիկայի նախարար Կարեն Ճշմարիտյանը: Նա նշել է, որ իր գերատեսչության լիազորությունների միայն 5 – 6%-ն է բաժին ընկնում միջազգային տնտեսական համագործակցությանն ու ինտեգրացիային, այլ ոչ թե 50 – 70%-ը, ինչի մասին ասվում է վերջին ժամանակներս:
«Մեր լիազորություններից է արդյունաբերական քաղաքականությունը, Եվրասիական տնտեսական միությունում մաքսային սակագների քաղաքականությունը: Այս ամենը եղել է եւ կմնա նախարարության պարտականությունը, ինչպես եւ ԵՏՄ-ին Հայաստանի անդամակցության 22 աշխատանքային խմբերից 6-ի գործունեության համակարգումը»,- հավելել է նա:
Հիշեցնենք, Կառավարության նոյեմբերի 6-ի նիստում հայտարարվել էր տարածքային կառավարման եւ արտակարգ իրավիճակների նախարարությունների սպասվող միաձուլման, ինչպես նաեւ միջազգային տնտեսական ինտեգրացիայի եւ բարեփոխումների նոր նախարարության ստեղծման մասին:
