նախընտրելի դարձնել«Ռոք-ն-ռոլի արքա» Էլվիս Փրեսլիի՝ 1953 թ. ամռանն արված երաժշտական առաջին ձայնագրությունը եւ առաջին վարորդական իրավունքի վկայականն աճուրդի է հանվել ԱՄՆ-ում, հինգշաբթի հայտնել են երաժշտի ժառանգությունը տնօրինող հիմնադրամի ներկայացուցիչները:
Աճուրդը տեղի կունենա այն օրը երաժշտի 80-ամյակի օրը՝ 2015 թ. հունվարի 8-ին:
1953 թ. հունիսին 18-ամյա Փրեսլին գնացել էր Թենեսի նահանգի Մեմֆիս քաղաքի Sun Studios ձայնագրման ստուդիա, վճարել չորս դոլար եւ երկու երգ ձայնագրել՝ «My Happiness» եւ «That's When Your Heartaches Begin»: Ասում են՝ պատանին ցանկացել էր այս ձայնագրությունը նվիրել մորը: Սակայն նրանք տանը նվագարկիչ չեն ունեցել, եւ Փրեսլին ձայներիզը տարել է լսելու ընկերոջ մոտ: Այնտեղ էլ թողել է այն, եւ մայրն այդպես էլ ձայնագրությունը չի ստացել:
«Էլվիսի ձայնագրություններն առաջին անգամ են աճուրդի հանվում», - նշել են աճուրդի կազմակերպիչները:
Աճուրդը տեղի կունենա Մեմֆիսում՝ երաժշտի «Գրեյսլենդ» առանձնատանը, որն այժմ թանգարան է, փոխանցում է ՏԱՍՍ-ը:
Աճուրդի կհանվի 68 առարկա՝ կապված Փրելսիի անվան հետ, այդ թվում նաեւ նրա վարորդական իրավունքի առաջին վկայականը:
