նախընտրելի դարձնելԻրենց կարգավիճակի հետ անհամատեղելի գործունեություն ծավալելու համար Ռուսաստանը մի շարք լեհ դիվանագետների է վռնդել երկրից, հայտնում է «ՌԲԿ»-ն՝ վկայակոչելով ՌԴ-ի ԱԳՆ-ին:
Այսպիսով, Մոսկվան պատասխանել է նույն հիմնավորմամբ մի քանի ռուս դիվանագետներին Լեհաստանից արտաքսած Վարշավայի նմանօրինակ գործողություններին:
Արտաքսված դիվանագետների թիվը կողմերից եւ ոչ մեկը չի նշում:
Աղբյուրի փոխանցմամբ՝ հոկտեմբերի վերջին Լեհաստանի վարչապետ Էվա Կոպաչը հայտարարել էր «լրտեսական սկանդալի» հետեւանքով ռուս դիվանագետների հնարավոր վռնդման մասին: Հոկտեմբերի կեսին լեհական հատուկ ծառայությունների աշխատակցիները ձերբակալել էին Ռուսաստանի օգտին լրտեսության մեջ կասկածվող Լեհաստանի զինված ուժերի գնդապետին:
Անցած շաբաթ ռուսական իշխանությունները երկրից վտարել են ԳՖՀ-ի դեսպանատան աշխատակցուհուն: Ավելի վաղ Գերմանիայի իշխանությունները վտարել էին լրտեսության մեջ կասկածվող ռուսական հյուպատոսարանի աշխատակցին:
