նախընտրելի դարձնել
Օդեսայի դատարանը ՌԴ քաղաքացի Ադամ Օսմաեւին մեղավոր է ճանաչել պայթուցիկ նյութերի ապօրինի կիրառման, ուրիշի գույքի անզգույշ ոչնչացման եւ փաստաթուղթ կեղծելու մեջ՝ դատապարտելով 2 տարի 9 ամիս եւ 14 օրվա ազատազրկման: Օսմաեւն արդեն կրել է այդ պատժաչափը քննչական մեկուսարանում, ուստի նրան ազատել են հենց դատական նիստերի դահլիճից, հայտնում է ՈՒՆԻԱՆ-ը:
Աղբյուրը հիշեցնում է, որ ավելի վաղ տղամարդու վրայից հանվել էին ահաբեկչության մեղադրանքները:
Ներկաները դատավճիռը ծափահարություններով եւ «Փառք Ուկրաինային» բացականչություններով են ընդունել: Օսմաեւին հետագա պլանների մասին հարց են տվել: Նա պատասխանել է, որ ծրագրեր դեռ չունի, եւ դահլիճին խնդրել է «պահպանել Ուկրաինան»:
Ավելի վաղ Օսմաեւի հայրը հայտարարել էր, որ իր որդու դեմ մեղադրանքները կարող են կազմակերպած լինել ռուսական հատուկ ծառայությունները՝ որպես հոր՝ «Չեչեննեվտեպրոդուկտ» ընկերության նախկին գլխավոր տնօրենի գործունեության վրեժ:
