նախընտրելի դարձնել2014 թվականն առանձնացավ հնագիտական հեղափոխական գտածոներով, այդ թվում՝ Հայաստանում: Այս մասին տեղեկացնում է «BBC»-ի կայքը՝ ներկայացնելով անցնող տարվա ամենահետաքրքիր հնագիտական գտածոները:
Օրինակ՝ նախկինում համարվում էր, որ Բրոնզե դարի վերջին Եվրոպայում բնակչության թիվ կտրուկ անկումը կապված էր կլիմայի արագ փոփոխության հետ: Սակայն նոր հետազոտությունը ցույց է տվել, որ բնակչության թիվը սկսել է նվազել կլիմայի փոփոխությունից ավելի քան 100 տարի առաջ: Հիմա հետազոտողները կարծում են, որ պատճառը Երկաթե դարի սկզբին երկաթի շատ մեծ պահանջարկն էր, ինչը քայքայեց տեղի տնտեսությունը եւ առեւտուրը:
Նախկինում համարվում էր, որ «լեւալուա» կոչվող քարե գործիքների ստեղծման հեղափոխական տեխնոլոգիան հայտնագործվել է միայն Աֆրիկայում եւ տարածվել Եվրոպայում ու Ասիայում՝ բնակչության տարածման հետ միասին: Սակայն ուսումնասիրելով Հայաստանում հայտնաբերված քարե գործիքները՝ հնագետները հանգել են եզրակացության, որ այդ հատուկ տեխնոլոգիան այստեղ անկախ է զարգացել, ինչն ընդգծել է վաղեմի այդ խմբերի ստեղծագործական մոտեցումը:
Բացի այդ, լույս է սփռվել Լեհաստանից միջնադարյան կմախքների վրա, որոնց հուղարկավորության ձեւը, օրինակ՝ նրանց պարանոցի շուրջ մանգաղով, հիմք է տալիս ենթադրել, որ տեղի բնակիչները վախենում էին, որ կհամբարձվեն որպես վամպիրներ: Հուղարկավորության ժամանակաշրջանը համընկնում է խոլերայի բռնկումների հետ, ինչը թույլ է տալիս ենթադրել, որ նրանք կարող էին այդ հիվանդության զոհ դառնալ:
Սեպտեմբերի Սիբիրում հնագետները տեղեկացրեցին կենդանիների ոսկորներից պատրաստված զենք ու զրահ հայտնաբերելու մասին: Գիտնականները կարծում են, որ գտածոները 3500-ից 3900 տարեկան են եւ, հավանաբար, պատրաստվել են էլիտար զինվորների համար:
Երկու տղամարդիկ, որոնց շիրիմները հայտնաբերվել են արեւմտյան Չինաստանում, հողին են հանձնվել ներկայում հայտնի ամենավաղ տաբատներով: Բրոնզե դարի այդ տաբատները հիշեցնում են այսօր ձիավարության ժամանակ կիրառվող հագուստը:
Հնագույն ատամները նույնպես հայտնվել են թերթերի հրապարակումների վերնագրերում՝ ստվեր գցելով կասկածի վրա այն մասին, թե որքան առողջ են ժամանակակից սննդակարգն ու կենսակերպը: Պարզվում է՝ հռոմեական բրիտանացիների լնդերն ավելի առողջ են եղել ժամանակակից մեծահասակների լնդերից: Սակայն բացահայտվել է նաեւ, որ հնագույն մարդիկ նույնպես կարիես են ունեցել:
