Ուկրաինայում Բերեժանի (Տերնոպոլի մարզ) հայկական Սուրբ Գրիգոր եկեղեցու բակում կայացել է Հայոց ցեղասպանության 100-րդ տարելիցին նվիրված խաչքարի հանդիսավոր բացումն ու օրհնությունը:

Խաչքարն օրհնել է ՀԱԵ Ուկրաինական թեմի առաջնորդ, Տեր Մարկոս եպիսկոպոս Հովհաննիսյանը:

Ըստ Genocide.org.ua-ի, Հայոց ցեղասպանության 100-րդ տարելիցին նվիրված խաչքար է բացվել նաեւ Ուժգորոդում: Բացման արարողությանը ներկա են եղել Ուկրաինայի ժողովրդական պատգամավոր Վալերի Պացկանը, քաղաքապետ Վիկտոր Պոգորելովը, Հայաստանի դեսպանության ներկայացուցիչներ, քաղաքի բնակիչներ: